Kamanda wa Polisi Mkoa
wa Mwanza Naibu Kamishina wa Polisi, DCP: Ahmed Msangi amewataka askari Polisi Wilaya
ya Kwimba kuimarisha vikundi vya ulinzi shirikishi vilivyopo na kuanzishi
vikundi vingine katika baadhi ya maeneo ambayo hayana, kisha kuwapatia elimu ya
Polisi Jamii itakayosaidia kutokomeza uhalifu mdogomdogo unaojitokeza katika
maeneo yao. Hayo ameyasema juzi alipokutana na askari wa Wilaya hiyo wakati
alipokuwa kwenye ukaguzi.
DCP Ahmed Msangi
Kamanda wa Polisi Mkoa wa Mwanza
“Wananchi wapewe elimu ya
kuimarisha vikundi vya ulinzi shirikishi katika makazi yao, maeneo yenye maduka
ya biashara na katika mitaa na vijiji na vitongoji. Kwa kuwaelekeza juu ya
namna ya kufanya doria katika maeneo yao na ukamataji salama usio na madhara kwa
mhalifu na mkamataji, kisha wahalifu wakifikishwe katika vituo vya Polisi
wakiwa salama ili hatua stahiki za kisheria ziweze kuchukuliwa dhidi yao”
alisema Kamanda Msangi.
“Vikundi hivyo vya
ulinzi shirikishi vikipatiwa elimu ya ukamataji salama, itasaidia kuepusha
mauaji yanayosababishwa na vikundi vya watu wanaojichukulia sheria mkononi kwa
kufahamu au kutofahmu kuwa kufanya hivyio ni kosa la jinai” alisema.
Sambamba na hilo Kamanda
Msangi aliwataka askari wa Wilaya hiyo kuongeza mikutano ya Polisi jamii katika
vitongoji na vijiji ili kufahamu kero za kiuhalifu zinazowasumbua wananchi na
mapungufu ya kiutendaji tuliyonayo sisi Polisi. Jambo hilo litatusaidia sisi
polisi kufahamu wapi tumekosea na sehemu ipi tuifanyie kazi.
Aidha pia aliwapongeza
askari kwa ukakamavu mzuri waliouonesha wakati wa gwaride, hivyo aliwataka
waongeze juhudi hizo pia katika sehemu nyingine za kiutendaji. Pia aliwaeleza
askari kuwa kazi wanayoifnya ya kudhibiti uhalifu ni nzuri, hivyo pia waongeze
juhudi za kuwakamata watu wanaojihusisha na utengenezaji wa pombe za gongo,
wapiga ramli chonganishi, wezi na vibaka.
Kwa upande wa Mkuu wa
Polisi Polisi Wilaya ya Kwimba Mrakibu Mwandamizi wa Polisi, SSP: Yahya Mdogo alishukuru
Kamati ya ulinzi na Usalama ya Wilaya, vyombo vya ulinzi na usalama na wananchi
kwa ushirikiano mzuri wanaompati. Vilevile aliahidi kuyafanyia kazi maelekezo
yote aliyopatiwa na Kamanda na mabadiliko yataonekana.
